गोलबजारका विपन्न परिवारलाई राहत प्रदान

गोलबजारका विपन्न परिवारलाई राहत प्रदान


३ जेठ, जनकपुरधाम । कोरोना संक्रमण नियन्त्रणका लागि लगाइएको निषेधाज्ञाले छाक टार्न समस्या भएका सिरहाको गोलबजारका सयजना विपन्न तथा कोरोना संक्रमित परिवारलाई राहत प्रदान गरिएको छ ।

भोर नामक संस्थाले गोलबजार नगरपालिकाको दोहबटिया र जमदह भांगबारी टोल, लहान नगरपालिकाको मनहर्वा र सर्लाहीमा गरी एक सयजना अति विपन्न र कोरोना संक्रमित परिवारलाई एकीकृत खाद्यान्न तथा संरक्षण प्याकेज प्रदान गरेको हो ।

दौतरी–फ्रेन्ड्स अफ फ्युचरको सहकार्यमा सो एकीकृत खाद्यान्न तथा संरक्षण प्याकेज प्रदान गरिएको भोरका अध्यक्ष पचुलाल माझीले बताए ।

प्रतिपरिवार २५ किलो चामल, ५ किलो हरियो तरकारी, २ किलो दाल, १ लिटर खाने तेल, १ किलो आयोडिनयुक्त नून, ४ वटा साबुन, ३० वटा अण्डा, कागती, बेसार र अदुवाको प्याकेट र मास्क प्रदान गरिएको माझीले बताए ।



Source link

Leave a Reply

Your email address will not be published. Required fields are marked *