सुर्खेतको काँक्रेविहार संरक्षित क्षेत्रमा आगलागी

सुर्खेतको काँक्रेविहार संरक्षित क्षेत्रमा आगलागी


२१ चैत, सुर्खेत । सुर्खेतको वीरेन्द्रनगरस्थित काँक्रेविहार संरक्षित क्षेत्रमा भीषण आगलागी भएको छ ।

शनिबार दिउँसो साढे १ बजेदेखि आगलागी शुरु भएको जिल्ला प्रहरी कार्यालय सुर्खेतका प्रवक्ता एवं डीएसपी रामप्रसाद घर्तीले जानकारी दिए ।

डीएसपी घर्तीका अनुसार आगलागी हुँदा काँक्रेविहार संरक्षित क्षेत्रमा रहेका जनावरहरुको भागाभाग भएको छ । नेपाली सेना, नेपाल प्रहरी र स्थानीयवासी आगो नियन्त्रणमा लागिरहेका छन् ।

वीरेन्द्रनगर नगरपालिका–१० स्थित बामे खोलामा लागेको आगो सल्किएर काँक्रेविहार संरक्षित क्षेत्रमा प्रवेश गरेको प्रहरीले जनाएको छ ।

आगो बस्तीमा आउन नदिन र नियन्त्रणमा लिन दमकलसहित थप सुरक्षाकर्मीको टोली आगलागी क्षेत्रमा खटाइएको डीएसपी घर्तीले बताए ।



Source link

Leave a Reply

Your email address will not be published. Required fields are marked *