सुरेन्द्र पाण्डेको प्रश्न : ओलीजीले अदालत पनि विघटन गरेँ भन्नुभयो भने के हुन्छ ?

सुरेन्द्र पाण्डेको प्रश्न : ओलीजीले अदालत पनि विघटन गरेँ भन्नुभयो भने के हुन्छ ?


११ पुस, काठमाडौं । नेकपा प्रचण्ड-माधव समूहका नेता सुरेन्द्र पाण्डेले प्रधानमन्त्री केपी शर्मा ओलीलाई नयाँ राजा बन्ने प्रयास नगर्न चेतावनी दिएका छन् ।

शनिबार धादिङ काठमाडौं सम्पर्क मञ्चको कार्यक्रमलाई सम्बोधन गर्दै नेता पाण्डेले प्रतिनिधिसभ विघटनसँगै प्रधानमन्त्री ओलीको आरोलो यात्रा सुरु भएको बताए ।

संविधानले दिँदै नदिएको अधिकार प्रयोग गरेर संसद विघटन गरेको भन्दै उनले भने संसद पुनस्र्थापना हुनैपर्ने दाबी गरे । ‘अब ओलीलीले अदालत पनि विघटन गरेँ भन्ने र राष्ट्रपतिले हस्ताक्षर गर्ने हो भने के हुन्छ ? कुनै प्रवन्ध विना जे पनि गर्ने हो भने त्यो र यसमा के फरक छ ?’ उनले प्रश्न गरे ।

हिजो राजालाई न्यायाधीशलाई हटाउने अधिकार हुने स्मरण गर्दै उनले नयाँ राजा बन्ने प्रयास नगर्न ओलीलाई चेतावनी दिए । ‘ओलीजी नयाँ राजा होइन । नयाँ राजा बन्ने कुचेष्ट नगर्नुहोला’ उनले अघि भने, ‘खबरदार, तपाई यो बाटोमा हिड्नुभयो भने तपाईको यात्रा पनि धेरै परसम्म जाने बाला छैन । नेपाली जनताले यो यात्रालाई रोकेर बीचमै रोकिछोड्छन् ।’

पाण्डेले अदालतलाई पनि खबरदारी गरे । ‘कसैको अनुहार हेरेर होइन, संविधान र कानून हेेरेर निर्णय गर्नुस्’ उनले भने, ‘अनुहार हेरेर निर्णय गर्नुभयो भने यो देशले दुःख पाउउनेछ । तपाईहरु पनि त्यसबाट अछुतो रहनुहुने छैन ।’

उनले संवैधानिक र कानूनी बन्दोबस्त र नजिरहरुलाई हेरेर संसद विघटनबारे फैसला गर्न आग्रह गरे । हामीलाई विश्वास छ, तपाईहरु त्यसबाट दायाँबायाँ जानुहुन्न, संसद पुनःस्र्थापना हुन्छ । किनकी संविधानले यसरी संसद विघटनको परिकल्ना गरेकै छैन’ नेता पाण्डेले भने ।

पार्टीको बहुमत सदस्य आफूहरुसँग भएकाले नेकपा र सूर्य चिन्ह आफूहरुसँगै रहने उनले दाबी गरे । तर देशभित्र र बाहिर प्रतिक्रियावादीहरुको बोलबाला रहेको र उनीहरुको षड्यन्त्रको शिकार देश हुनसक्नेतर्फ सचेत हुनुपर्ने बताए ।



Source link

Leave a Reply

Your email address will not be published. Required fields are marked *