सिंहदरबारको पूर्वी गेट अगाडि कारले साइकललाई ठक्कर दियो

सिंहदरबारको पूर्वी गेट अगाडि कारले साइकललाई ठक्कर दियो


४ पुस, काठमाडौं । शनिबार बिहान सिंहदरबारको पूर्वी गेट अगाडि कारले साइकललाई ठक्कर दिँदा एकजना घाइते भएका छन् । घाइते हुनेमा घट्टकुलो बस्ने ४५ वर्षीय टंकनाथ सुवेदी छन् ।

नागरिक दैनिकका वितरक सुवेदी पत्रिका बाँड्न हिँडेका बेला बा १० च ७५७६ नम्बरको कारले ठक्कर दिएको काठमाडौं प्रहरीका डीएसपी प्रतिक विष्टले बताए । नजिकै रहेको प्रहरीको मोबाइल टोलीले कार र चालकलाई तत्कालै नियन्त्रणमा लिएको थियो ।

हाल घाइते सुवेदीको नर्भिक अस्पतालमा उपचार भइरहेको विष्टले बताए । प्रारम्भिक सोधपुछमा चालकले साइकल अर्कोतिर जाला भन्ने सोचे पनि नगएकाले दुर्घटना भएको दाबी गरेका छन् । यद्यपि, दुर्घटनाको थप कारणबारे प्रहरीले अनुसन्धान गरिरहेको छ ।



Source link

Leave a Reply

Your email address will not be published. Required fields are marked *