सवारी दुर्घटनामा एकजनाको मृत्यु

सवारी दुर्घटनामा एकजनाको मृत्यु


२४ चैत, काठमाडौं । कैलालीको गोदावरी नगरपालिका–२ पानीट्यांकीमा ट्रकमा कार ठोक्किएर दुर्घटना हुँदा एकजनाको मृत्यु भएको छ ।

से १ ख १७३१ नम्बरको ट्रकमा बा १४ च ४६३५ नम्बरको कार सोमबार बेलुका ठक्कर खाई दुर्घटना हुँदा कारमा सवार सुर्खेतको भेरीगंगा नगरपालिका–५ कालीदमारकी २७ वर्षीय सुनिता पुन मगरको मृत्यु भएको हो ।

दुर्घटनामा गम्भीर घाइते भएकी उनको सेती प्रादेशिक अस्पताल धनगढीमा उपचारको क्रममा मृत्यु भएको प्रहरीले जनाएको छ । दुर्घटनामा घाइते भएका कार चालकको सोही अस्पतालमा उपचार भइरहेको छ ।

ट्रक चालकलाई नियन्त्रणमा लिई थप अनुसन्धान गरिरहेको प्रहरीले जनाएको छ ।



Source link

Leave a Reply

Your email address will not be published. Required fields are marked *