राप्ती प्राविधिक शिक्षालयमा सन्चालित आइसोलेसन सेन्टर बन्द गर्ने निर्णय

राप्ती प्राविधिक शिक्षालयमा सन्चालित आइसोलेसन सेन्टर बन्द गर्ने निर्णय


२४ कात्तिक, दाङ । दाङ देउखुरीमा अवस्थित राप्ती प्राविधिक शिक्षालयको भौतिक पूर्वाधार लुम्बिनी प्रदेश सरकारलाई हस्तान्तरण गर्न छलफल सुरु भएलगत्तै त्यहाँ सन्चालित आइसोलेसन सेन्टर हटाउने निर्णय गरिएको छ ।

अब देउखुरी उपत्यकामा पर्ने चारवटा स्थानीय तहले आ–आफ्ना पालिकाको उपयुक्त स्थान छनोट गरेर आइसोलेसन सेन्टर सन्चालन गर्ने छन् ।

प्रमुख जिल्ला अधिकारी जयनारायण आचार्यसमेतको सहभागितामा आइतबार राप्ती गाउँपालिका, लमही नगरपालिका, गढवा गाउँपालिका र राजपुर गाउँपालिकाका जनप्रतिनिधिहरुको संयुक्त बैठक बसेको थियो ।

सो बैठकले राप्ती प्राविधिक शिक्षालयमा सञ्चालित कोरोना विशेष देउखुरी आइसोलेसन सेन्टरलाई आगामी मंसिर १ गतेबाट बन्द गर्ने र पालिका तहमा सन्चालन गर्ने निर्णय गरेको राप्ती गाउँपालिकाका अध्यक्ष नुमानन्द सुवेदीले जानकारी दिए ।

कोरोना विशेष देउखुरी आइसोलेसन केन्द्र सञ्चालन तदर्थ समितिका अध्यक्ष एवम् राप्ती गाउँपालिकाका अध्यक्ष नुमानन्द सुवेदीको अध्यक्षतामा बसेको बैठकमा दाङका प्रमुख जिल्ला अधिकारी जय नारायण आचार्य, लमही नगरपालिकाकी उपमेयर देवका बेलबासे, गढवा गाउँपालिकाका अध्यक्ष शहजराज अहिर, राजपुर गाउँपालिकाका अध्यक्ष लोकराज केसी र नेपाली सेनाका लेफ्टिनेन्ट कर्णेल विजय बस्नेतको उपस्थिति थियो ।

राप्ती प्राविधिक शिक्षालयमा राप्ती गाउँपालिका, लमही नगरपालिका, गढवा गाउँपालिका र राजपुर गाउँपालिकाको संयुक्त लगानीमा आइसोलेसन सेन्टर सन्चालन गरिएको थियो । सो आइसोलेसन सेन्टरबाट हालसम्म २ सय ४६ जनाले उपचार पाएर घर फर्किएका छन् । हाल ९ जना संक्रमितको उपचार जारी छ ।






यो पनि पढ्नुहोस
मौरीघाटलाई लुम्बिनी प्रदेशको मुख्यालय बनाउन छलफल







यो पनि पढ्नुहोस
राप्ती प्राविधिक शिक्षालय : बन्ला त लुम्बिनी प्रदेशको ‘सिंहदरबार’ ?





Source link

Leave a Reply

Your email address will not be published. Required fields are marked *