न्यारोबडीबाट काठमाडौं-दिल्ली उडान, नेपाल एयरलाइन्सले थाल्यो टिकट बिक्री

न्यारोबडीबाट काठमाडौं-दिल्ली उडान, नेपाल एयरलाइन्सले थाल्यो टिकट बिक्री


२९ मंसिर, काठमाडौं । आगामी बिहीबारबाट काठमाडौं-दिल्ली रुटम नियमित हवाई उडान सुरु हुने भएको छ ।

एयर ट्रान्सपोर्ट बबल स्कीममार्फत दिल्ली काठमाडौं नेपाल एयरलाइन्स र एयर इण्डियाको उडान सुरु हनु लागेको हो । यसका लागि नेपाल एयरलाइन्सले टिकट बिक्री थालेको छ । एयरलाइन्सका अनुसार काठमाडौंबाट दैनिक एक जहाज दिल्ली जाने छ र दिल्लीबाट यात्रुलाई काठमाडौं फर्किनेछ ।

निगमले पहिलो चरणमा न्यारोबडी जहाजबाट उडान सुरु गर्नेछ । यात्रुको चापसँगै ठूलो जहाज उडाउने तयारी निगमको छ ।

भारतबाट एयर इण्डियाले काठमाडौंमा उडान गर्ने अनुमति पाएको छ । तर उसले उडान मिति तोकिसकेको छैन ।

यो रुटमा १० चैतयता नियमित उडान हुन सकेको छैन । सरकारले भदौबाट अन्तराष्ट्रिय उडान खुला गरेपनि भारतसहित दक्षिण एसियाली मुलुकका लागि भने अनुमति दिइएको थिएन ।

अब उडान सुरु हुँदा स्वास्थ्य सुरक्षासम्बन्धी तोकिएका मापदण्डहरु भने यात्रुले पूरा गर्नुपर्ने भएको छ । भारत जाँदा अधिकतम ७२ घण्टा भित्रको पीसीआर रिर्पोट अनिवार्य गरिएको छ ।

भारतबाट नेपाल आउने यात्रुले अनलाइन फारम भरी आवश्यक कागजात पेश गरेपछि नेपाल आउने अनुमति पाउने छन् । नेपाल र भारतबीच आवतजावतमा भिसा भने अनिवार्य छैन ।



Source link

Leave a Reply

Your email address will not be published. Required fields are marked *