दैलेखका कोरोना संक्रमित पुरुषको सुर्खेतमा मृत्यु

दैलेखका कोरोना संक्रमित पुरुषको सुर्खेतमा मृत्यु


१८ माघ, सुर्खेत । दैलेखका कोरोना संक्रमित पुरुषको सुर्खेतमा मृत्यु भएको छ । सुर्खेतस्थित प्रादेशिक अस्पतालमा उपचारको क्रममा गुराँस गाउँपालिका–५ का ६४ वर्षीय पुरुषको मृत्यु भएको हो ।

सामाजिक विकास मन्त्रालय स्वास्थ्य सेवा महाशाखाका स्वास्थ्य शिक्षा अधिकृत नवराज कँडेलका अनुसार उनको आइतबार बिहान बिहान ११ः२७ बजे मृत्यु भएको हो । ज्वरो आउने, टाउको दुख्ने, खोकी लाग्ने तथा श्वास फेर्न समस्या भएपछि उनलाई माघ ७ गते प्रदेश अस्पतालको आकस्मिक कक्षमा भर्ना गरिएको थियो । सोही दिन प्रदेश अस्पताल र पशुपन्छी रोग अन्वेषण प्रयोगशाला, सुर्खेतमा पीसीआर परीक्षण गर्दा उनको रिपोर्ट पोजेटिभ आएको थियो ।

रोगको प्रकृति अनुसारका सबै विधि अपनाएर उपचार गरिए पनि उनलाई बचाउन नसकिएको महाशाखाले जनाएको छ ।

यससँगै कर्णाली प्रदेशमा कोरोना संक्रमण पुष्टि भएपछि मृत्यु हुने व्यक्तिहरुको संख्या ३० पुगेको कँडेलले बताए ।



Source link

Leave a Reply

Your email address will not be published. Required fields are marked *