जव सासु नै ज्वाईसंग सल्केर बच्चा पनि जन्माइन्, ज्वाइँ पनि छोरिलाइ छोडेर लिएर भागे सासु !


एजेन्सी । छोरीको हनिमुनमा संगै गएकी आमाले ज्वाई टिपेर हिडेपछि छोरीको हालत कस्तो भयो होला ? यो दुनियामा कहिलेकाहीँ यस्तो अचम्मको घटना पनि हुन्छन् जसले मानिसलाई आश्चर्यमा पार्छ । एउटी आमाले आफ्नी छोरीमाथि यस्तो गर्न पनि सक्छिन् होला भन्ने सोच्न गाह्रो हुन्छ । आफ्नै ज्वाईसंग पोइल गएर छोरीलाई धोका दिने आमा पनि यो संसारमा छन् । बेलायतको लण्डनमा भएको यस्तो घटनाले विश्वको ध्यान तानेको छ ।

एकजना आमाले आफ्नै छोरीको श्रीमानलाई खोसेर आफुले विवाह गरेकी छन् । ३४ वर्षकी महिलाले आफुमाथि आफ्नी आमाले १५ वर्षअघि गरेको यस्तो धोकेबाजीपूर्ण घटनावारे अहिले बताएकी हुन् ।

लण्डनस्थित टिवकेनहममा बस्ने लोरेन वालको बिहे भएको २ महिनामा नै आमाले त्यस्तो गरेकी थिइन् । विवाह भएको दुई महिनामै एक दिन उनका पति हराए । आफ्ना सम्पर्कविहीन भएका पतिको खोजी गर्ने क्रममा उनले आफन्तबाट जानकारी पाइन् कि उनका पति त आफ्नै सासुआमा अर्थात् उनकी आमासँग बस्न थालेछन् ।

आफ्नै पत्नीकी आमा अर्थात् सासुआमासँग बिहे गर्ने ती पुरुषको नाम पाउल हो । लोरेन र पाउलबीच सन् २००४ मा बिहे भएको थियो । लोरेनकी आमा जूलीले छोरीको बिहेमा लाखौँ खर्च गरेर भव्य पार्टी समेत दिएकी थिइन् । छोरी ज्वाई निकै खुसी थिए । तर यस्तो अवस्था कसरी आयो भन्ने छोरीले बुझ्नै सकिनन् । विवाह पछि आफ्नो हनिमुनमा आफ्नी आमालाई पनि सँगै लगेकी थिइन् । आमालाई हनिमुनमा सँगै लग्दा उनी आफ्नै ज्वाइँसँग सल्किएलिन् भन्ने कुरा उनले कल्पना पनि गरेकी थिइन् । तर भयो त्यस्तै ।

हनिमुनबाट फर्केको केही समयमै पाउल घरबाट निस्के र सासुआमा जूलीसँगै बस्न थालेपछि यस्तो घटना बाहिर आएको हो । आमाको त्यस्तो ब्यवहारले छोरी निकै दुखी भइन् । केही समयपछि उनकी आमाले बच्चा पनि जन्माइन् ।

केही वर्षको लिभिङ टुगेदरपछि ती सासु ज्वाइँबीच बिहे भयो । आफ्नै लोग्ने र आमाबीचको बिहेमा लोरेन पनि सहभागी भएकी थिइन् । आफ्नो लोग्नेले आफ्नी आमासँग बिहे गरेको त्यो दृश्य लोरेनका लागि जीवनकै सबैभन्दा अप्रिय दृश्य बन्यो । आफुले कहिल्यैपनि आफ्नी धोकेबाज आमा र पूर्व लोग्नेलाई माफी नदिने उनले बताएकी छन् ।



Source link

Leave a Reply

Your email address will not be published. Required fields are marked *