गोरखामा एकजना कोरोना संक्रमितको मृत्यु

गोरखामा एकजना कोरोना संक्रमितको मृत्यु


२ मंसिर, गोरखा । गोरखा अस्पतालमा एकजना कोरोना संक्रमितको मृत्यु भएको छ ।

पालुङटार नगरपालिका–७ च्याङलीका ८३ वर्षीय पुरुषको उपचारको क्रममा मंगलवार विहान ७ बजेर २५ मिनेटमा मृत्यु भएको अस्पतालले पुष्टि गरेको छ ।

दुई हप्ता अघि कोरोना संक्रमण पुष्टि भएका उनी यही कात्तिक २७ गते अस्पताल भर्ना भएका थिए । उनको आइसियूमा उपचार भइरहेको थियो । उनी फोक्सोको क्यान्सरका बिरामीसमेत रहेको अस्पतालले जनाएको छ ।

शव व्यवस्थापनको तयारी भइरहेको प्रमुख जिल्ला अधिकारी तिर्थराज भट्टराईले बताए । ‘शव लाने काम सेनाले गर्छ, शव व्यवस्थापन भने आफन्त आफैंले उहाँहरुकै घाटमा गर्नुहुन्छ,’ उनले भने ।

योसँगै गोरखा जिल्लामा कोरोनाका कारण मृत्यु हुनेको संख्या तीन पुगेको छ ।



Source link

Leave a Reply

Your email address will not be published. Required fields are marked *