ओली र प्रचण्डबीच फोनवार्ता, सीता दाहालको स्वास्थ्य लाभको कामना

ओली र प्रचण्डबीच फोनवार्ता, सीता दाहालको स्वास्थ्य लाभको कामना


१५ पुस, काठमाडौं । प्रधानमन्त्री केपी शर्मा ओली र पुष्पकमल दाहाल प्रचण्डबीच टेलिफोन सम्वाद भएको छ । सत्तारुढ नेपाल कम्युनिस्ट पार्टी (नेकपा) विभाजनपछि पहिलो पटक ओली र प्रचण्डबीच टेलिफोन वार्ता भएको हो ।

प्रचण्ड पत्नी सीता अस्पताल भर्ना भएपछि ओलीले टेलिफोन गरेका थिए । ओलीले फोन गरेर सिताको स्वास्थ्य अवस्था सोधेको ओली समूहका नेता सुवास नेम्वाङले बताए । ‘टेलिफोन गरेर स्वास्थ्य अवस्थाबारे जानकारी लिनुभयो । त्यसपछि आफ्नो तर्फबाट विष्णुप्रसाद पौडेल र सुवास नेम्वाङ आउादै हुनुहुन्छ है भन्नुभयो’, नेम्वाङले भने ।

यसपछि पौडेल र नेम्वाङ भैंसेपाटीस्थित मेडिसिटी अस्पताल पुगेका थिए । अस्पताल पुगेर सीताको स्वास्थ्य लाभको कामना गरेर उनीहरु फर्किएका छन् ।

सीता दाहाललाई आकस्मिक समस्या देखिएपछि बुधबार मात्र अस्पताल भर्ना गरिएको छ ।



Source link

Leave a Reply

Your email address will not be published. Required fields are marked *