उपत्यकाको ट्राफिक व्यवस्थापन अस्तव्यस्त, सार्वजनिक गाडीलाई चक्रपथभित्र छिर्न दिइएन

उपत्यकाको ट्राफिक व्यवस्थापन अस्तव्यस्त, सार्वजनिक गाडीलाई चक्रपथभित्र छिर्न दिइएन


२३ माघ, काठमाडौं । नेकपा ओली समूहले नारायणहिटी अगाडि गरेको वृहत आमसभाका कारण उपत्यकाको ट्राफिक व्यवस्थापन अस्तव्यस्त बनेको छ । विभिन्न जिल्लाबाट नेता, कार्यकर्तालाई ल्याएर प्रदर्शन गरिएका कारण ट्राफिक व्यवस्थापनमा कठिनाइ भएको हो ।

महानगरीय ट्राफिक महाशाखा, रामशाहपथका अनुसार कार्यक्रम अवधिभरका लागि रिङरोडभित्र सार्वजनिक यातायातलाई प्रवेशमा रोक लगाइएको छ । मोटरसाइकललाई भने चल्न दिइएको छ । जय नेपाल, महेन्द्र शालिक र केशर महल क्षेत्रमा पूर्णतः सवारीसाधन निषेध गरिएको ट्राफिक महाशाखाका एसएसपी जनक भट्टराईले बताए ।

पुतलीसडक, नक्साल लगायतका क्षेत्रमा भने अहिले सवारी आवागमन सामान्य हुँदै गएको ट्राफिक प्रहरीले जनाएको छ । अवरोध भएका ठाउँमा वैकल्पिक मार्गबाट सवारीसाधनहरुलाई डाइभर्सन गराइएको प्रहरीले जनाएको छ ।

आमसभामा प्रधानमन्त्री केपी शर्मा ओलीसहितका नेताहरुले सम्बोधन गर्दैछन् ।



Source link

Leave a Reply

Your email address will not be published. Required fields are marked *