अमेरिकी राष्ट्रपतिले पठाए ओलीलाई विशेष खबर,


काठमाडौं । अमेरिकाका ४६ ‍औं राष्ट्रपति जो बाइडेनले बुधवार पद तथा गोपनियताको सपथ लिए । ह्वाइट हाउसमा कार्यभार सम्हाले । बुधवार राती सपथ लिएलगत्तै प्रधानमन्त्री केपी शर्मा ओलीले ट्वीटरमार्फत बधाई थिए । बाइडेनसँग सहकार्य गर्न इच्छुक रहेको बताए । साथै उनको कार्यकाल नेपाल अमेरिका सम्बन्ध उचाईमा पुग्ने विश्वास व्यक्त गरे ।

ओलीले बधाई दिएको भोलिपल्टै नवनियुक्त अमेरिकी राष्ट्रपति बाइडेनको सन्देश बालुवाटार पुग्यो । सन्देश लिएर आए नेपालका लागि अमेरिकी राजदूत र्यान्डी बेरी । कामचलाउ भइसकेका प्रधानमन्त्री ओली बाइडेनको सन्देश पाएपछि उत्साहित भएको बालुवाटार स्रोतले बतायो ।

संसद विघटन गरेका ओलीलाई भारत र चीनको साथ छ । त्यसमाथि अमेरिकाका नयाँ राष्ट्रपतिको सकारात्मक सन्देश पाएपछि ओलीमा उत्साह थपिएको हो । ओलीसँगको भेटमा बाइडेनले परिवर्तन गरेका ट्रम्पका विदेश नीतिहरु जानकारी गराएका थिए ।

इण्डो प्यासिफिक रणनीतिबारे पनि जानकारी गराएका थिए । त्यससँग एमसीसीको कुनै सम्बन्ध नभएको र विकासशील देशको समृद्धिका लागि भएको स्पष्ट पारेका थिए । साथै बाइडेनका नयाँ नीति तेस्रो विश्वका लागि उपयोगी रहेको जानकारी गराएका थिए ।

भेटबारे ट्वीट गर्दै बेरीले नयाँ राष्ट्रपतिको प्रशासनले नपालसँग कसरी साझेदारी गर्न खोजेको छ भन्ने विषयमा ओलीसँग छलफलका लागि भेटेको बताएका छन्। यस्तै, नेपालका साथै अन्य राष्ट्रहरुसँग पनि कोरोना भाइरसको संक्रमण, जलवायु परिवर्तन लगायतका मुद्दामा समेत बाइडेन प्रशासनको धारणा बारेमा छलफल भएको छ।



Source link

Leave a Reply

Your email address will not be published. Required fields are marked *